ലോകം

1. ഇന്ത്യയേയും പാക്കിസ്ഥാനെയും വേര്‍തിരിക്കുന്ന രേഖ?
              റാഡ്‌ ക്ലിഫ്‌ ലൈന്‍
2. നോബല്‍സമ്മാനത്തിന്റെ മൂല്യം അറിയാത്തവരില്ല. 1901ല്‍ ആല്‍ഫ്രഡ്‌ നോബലിന്റെ ചിന്തയില്‍നിന്ന്‌ ഉടലെടുത്ത ഈ ലോകോത്തരബഹുമതി ആറ്‌ മേഖലയിലാണ്‌ നല്‍കിവരുന്നത്‌. എന്നാല്‍ ആരംഭകാലത്ത്‌ അഞ്ചു മേഖലകള്‍ക്കേ നോബല്‍ സമ്മാനം നല്‍കിയിരുന്നുള്ളൂ. പിന്നീട്‌ കൂട്ടിച്ചേര്‍ക്കപ്പെട്ട ആറാമത്തെ മേഖല ഏതാണ്‌? 
               - സാമ്പത്തിക ശാസ്‌ത്രം
3. Raise your voice, Not the sea level. 
2014 ലെ ഒരു അന്താരാഷ്ട്രദിനാചരണത്തിന്റെ സന്ദേശവാക്യമാണിത്‌. ഏത്‌ ദിനാചരണത്തോടനുബന്ധിച്ചാണ്‌ ലോകം ഈ സന്ദേശവാക്യം ഉയര്‍ത്തിപ്പിടിച്ചത്‌?
              പരിസ്ഥിതി ദിനം (ജൂണ്‍ 5)
4. 2014ലെ പ്രധാന സംഭവങ്ങളിലൊന്നാണ്‌ ഗസ്സയുടെ മേല്‍ ഇസ്രായേല്‍ നടത്തിയ ഭീകരാക്രമണങ്ങള്‍. ലോകമൊട്ടുക്കും ഇസ്രായേലിനെതിരെ പ്രതിഷേധങ്ങള്‍ അരങ്ങേറി. ഇസ്രായേലിന്റെ ധാര്‍മികത ചോദ്യം ചെയ്യപ്പെട്ടു. നേരത്തേ ഇല്ലാതിരുന്ന ഇസ്രായേല്‍ രാജ്യം ഏതു വര്‍ഷത്തിലാണ്‌ രൂപം കൊണ്ടത്‌?
              1948
5. റോമന്‍ അക്കങ്ങളിലെ ഡി(ഉ) പ്രതിനിധീകരിക്കുന്നത്‌ ഏതു സംഖ്യയെയാണ്‌? 
                     500
6.അടുത്ത കാലത്തായി ആഫ്രിക്കയില്‍ പടര്‍ന്നു പിടിച്ച വൈറല്‍ പനിയുടെ പേരെന്താണ്‌?
                    എബോള
7. വരികള്‍ ഇല്ലാതെ സംഗീതം മാത്രമുള്ള ദേശീയ ഗാനമുള്ള രാജ്യം?
                   സ്‌പെയിന്‍
8. ഒരു ഏഷ്യന്‍ രാജ്യത്തിന്റെ പതാകയില്‍ 3 ഗോപുരങ്ങളോട്‌ കൂടിയ ഒരു ക്ഷേത്രത്തിന്റെ ചിത്രം ആലേഖനം ചെയ്‌തിട്ടുണ്ട്‌. ഏതാണീ രാജ്യം?
                കംബോഡിയ
9. സാധാരണ ലോക രാഷ്‌ട്രങ്ങളുടെ പതാകകളെല്ലാം സമചതുരമോ ദീര്‍ഘചതുരമോ ആണ്‌ എന്നാല്‍ ഒരു രാജ്യത്തിന്റെ പതാക ഒന്നിനുമുകളില്‍ മറ്റൊന്നായി 2 ത്രികോണങ്ങള്‍ ചേര്‍ന്ന ആകൃതിയിലാണ്‌ . ഇവയില്‍ ചന്ദ്രനെയും സൂര്യനെയും ചിത്രീകരിച്ചിരിക്കുന്നു. ഏത്‌ രാജ്യത്തിന്റെ പതാകയാണിത്‌?
                    നേപ്പാള്‍
10. അറബിക്കടലിന്റെ റാണി എന്നാണ്‌ കൊച്ചി അറിയപ്പെടുന്നത്‌. എന്നാല്‍ മറ്റൊരു ഏഷ്യന്‍രാജ്യത്തിലെ ഒരു തുറമുഖനഗരത്തിന്റെ പേരും കൊച്ചി എന്നാണ്‌. ഏതാണാ രാജ്യം? 
                        ജപ്പാന്‍