കേരളമെന്നുടെ നാട്‌

1.. ഏഷ്യയിലെ ആദ്യത്തെ യുദ്ധക്കപ്പല്‍ രൂപകല്‍പ്പന കേന്ദ്രത്തിന്‌ കേരളത്തില്‍ തറക്കല്ലിട്ടു. ഏതു ജില്ലയിലാണ്‌ നിര്‍ദേശ്‌ എന്നു പേരുള്ള ഈ കേന്ദ്രം വരുന്നത്‌?
               കോഴിക്കോട്‌
2. കേരളത്തിലെ വന്യജീവി സങ്കേതങ്ങളില്‍ നഗരപ്രദേശത്ത്‌ സ്ഥിതി ചെയ്യുന്ന ഏക പക്ഷി സങ്കേതം?
                 മംഗളവനം
3. കേരള മുഖ്യമന്ത്രിയുടെ ഔദ്യോഗിക വസതി ?
               ക്ലിഫ്‌ ഹൗസ്‌
4. ഇന്ത്യയിലെ അറിയപ്പെടുന്ന പക്ഷിശാസ്‌ത്രജ്ഞരില്‍ ഒരാളാണ്‌ മലയാളിയായ ഇന്ദുചൂഡന്‍. ഇന്ദുചൂഡന്‍ എന്നത്‌ അദ്ദേഹത്തിന്റെ അപരനാമമാണ്‌. ഏതാണ്‌ അദ്ദേഹത്തിന്റെ ശരിയായ പേര്‌ ? 
                  കെ.കെ നീലകണ്‌ഠന്‍
4. കേരളത്തിലെ മോശമായ ജാതിവ്യവസ്ഥ കണ്ടാണ്‌ സ്വാമി വിവേകാനന്ദന്‍ കേരളം ഭ്രാന്താലയമാണ്‌ എന്നു പറഞ്ഞത്‌. 1893ല്‍ ജന്മിത്വത്തെ എതിര്‍ക്കാനും താഴ്‌ന്ന ജാതിക്കാര്‍ക്ക്‌ സഞ്ചാരസ്വാതന്ത്ര്യം ലഭിക്കുന്നതിനും വേണ്ടി കേരളത്തില്‍ നടന്ന പ്രസിദ്ധമായ ഒരു സമരമുറയാണ്‌ വില്ലുവണ്ടി യാത്ര. ഈ സമരത്തിന്‌ നേതൃത്വം നല്‍കിയ പരിഷ്‌കര്‍ത്താവ്‌ ആരാണ്‌?
                 അയ്യങ്കാളി
5. 1924ല്‍ കോഴിക്കോടുനിന്ന്‌ പ്രസിദ്ധീകരണം ആരംഭിച്ച അല്‍ അമീന്‍ പത്രത്തിന്റെ പത്രാധിപര്‍ ആരായിരുന്നു? 
                മുഹമ്മദ്‌ അബ്ദുറഹ്‌മാന്‍ സാഹിബ്‌
6. മലബാര്‍ സമരവുമായി ബന്ധപ്പെട്ട വാഗണ്‍ട്രാജഡി നടന്നത്‌ 1921 നവംബര്‍ പത്തിനാണ്‌. സമരപോരാളികളെ ഒരു വാഗണില്‍ കുത്തിനിറച്ച്‌ കൊണ്ടുപോകുമ്പോള്‍ ശ്വാസംകിട്ടാതെ പിടഞ്ഞുമരിച്ചത്‌ 67 ജീവനുകളാണ്‌. തിരൂരില്‍നിന്ന്‌ എങ്ങോട്ട്‌ കൊണ്ടുപോകുമ്പോഴാണ്‌ ഈ ദുരന്തമുണ്ടായത്‌? 
               പോത്തനൂര്‍
7. താനൂര്‍ കടപ്പുറത്ത്‌ വച്ച്‌ അറസ്റ്റ്‌ ചെയ്യപ്പെടുകയും ബ്രിട്ടീഷുകാര്‍ക്കെതിരെ ജപ്പാനുവേണ്ടി ചാരപ്രവര്‍ത്തനം നടത്തി എന്ന്‌ പറഞ്ഞ്‌ ബ്രിട്ടീഷുകാര്‍ തൂക്കിക്കൊല്ലുകയും ചെയ്‌ത മലയാളി സ്വാതന്ത്ര്യസമരസേനാനി യുടെ ജീവിതത്തെ ആസ്‌പദമാക്കി അടുത്തിടെ ഒരു മലയാളസിനിമ പുറത്തിറങ്ങി. സിനിമയുടെ പേര്‌ 1943 സെപ്‌തംബര്‍ 10 എന്നാണ്‌. കേരള ഭഗത്സിംഗ്‌ എന്ന്‌ വിശേഷിപ്പിക്കപ്പെടുന്ന ആ ധീരരക്തസാക്ഷി ആരാണ്‌? 
                വക്കം അബ്‌ദുല്‍ ഖാദര്‍
8. 2015 ഏപ്രിലോടെ കേരളത്തിലെ 15 നും 50 നുമിടയില്‍ പ്രായമുള്ള മുഴുവന്‍ ആളുകള്‍ക്കും സംസ്ഥാന സാക്ഷരതാ മിഷന്റെ നാലാംതരം തുല്യതാ കോഴ്‌സിലൂടെ പ്രാഥമിക വിദ്യാഭ്യാസം നല്‌കുന്ന പദ്ധതിക്ക്‌ കേരളസര്‍ക്കാര്‍ രൂപം നല്‍കി. എന്തു പേരിലാണിത്‌ അറിയപ്പെടുന്നത്‌?
                - ഉത്തരം: അതുല്യം
9.കേരളത്തില്‍ സ്‌ത്രീകള്‍ക്കെതിരെയുള്ള അതിക്രമങ്ങള്‍ക്കെതിരെ സംസ്ഥാനസര്‍ക്കാര്‍ അടുത്തിടെ കൊണ്ടുവന്ന പുതിയ സുരക്ഷാ പദ്ധതിയുടെ പേരെന്ത്‌?
               നിര്‍ഭയകേരളം സുരക്ഷിത കേരളം
10. കാസര്‍കോട്ടെ പ്ലാന്റേഷന്‍ കോര്‍പറേഷന്റെ കീഴിലുള്ള തോട്ടങ്ങളിലെ എന്‍ഡോസള്‍ഫാന്‍ ശേഖരം നിര്‍വീര്യമാക്കാനായി നടത്തിയ ദൗത്യം എന്തുപേരിലാണ്‌ അറിയപ്പെടുന്നത്‌?
                ഓപ്പറേഷന്‍ ബ്ലോസം സ്‌പ്രിംങ്ങ്‌
11. കേരളത്തിലെ മുഴുവന്‍ കാന്‍സര്‍ രോഗികള്‍ക്കും സ്വകാര്യ പങ്കാളിത്തത്തോടെ കാന്‍സര്‍ ചികിത്സ ലഭ്യമാക്കുന്ന സംസ്ഥാന ആരോഗ്യവകുപ്പിന്റെ പദ്ധതിയുടെ പേരെന്ത്‌?
                സുകൃതം
12. കേരളസാക്ഷരതാമിഷന്റെ പുതിയ പേര്‌? 
               ലീപ്‌ കേരള മിഷന്‍